Leon na Seice ag seinm Chláirseach na hÉireann
LEON NA SEICE I nGLEIC LE CLÁIRSEACH NA hÉIREANN
MACHNAÍM, DÁ BHRÍ SIN, SCRÍOBHAIM  
Luan
18
Eanáir
2016

‘Is mise Deburau’

Tráthnóna amháin i mí na Samhna 1840 shiúil fear tanaí dubh-ghléasta isteach in oifig an dochtúra Ricard. Bhreathnaigh an dochtúir go cúramach ar an chuairteoir, ar a éadan ard, ar a leicne bána, ar a bheola caol.

“An breoite atá tú, a dhuine uasail?”

“Is ea, a dhochtúir. Ceapaim gur breoite go bás atá mé.”

“Cad atá ort?”

“Tá cian agus uaigneas an domhain orm. Tá mé ag fulaingt agus gan fhios agam cén fáth. Tá pian i mo chroí. Tá eagla orm roimh dhaoine agus romham féin. Ní chodlaím.”

“Ní bhfaighidh tú bás leis sin. Tá leigheas do ghalair agam,” a d’fhreagair an dochtúir.

“Cad é an leigheas é?”

“Leigheas a bhainfidh do chian díot. Téigh leat go dtí an amharclann agus breathnaigh ar léiriú stáitse de chuid Deburau!” a dúirt an dochtúir agus caithréim ina ghlór.

“Faraor, a dhochtúir,” a dúirt an fear go brónach, “is mise Deburau.”

Aistrithe as réamhrá don leabhar seo faoi shaol léanmhar an ealaíontóra Jean-Gaspard Deburau.

comments powered by Disqus
Creative Commons License
Tá na haltanna ar an bhlag seo faoi chóipcheart agamsa, Michal Boleslav Měchura, mura bhfuil a mhalairt ráite. Tá cead ag gach duine na haltanna seo a athúsáid cibé bealach is mian leo, iad a chur i gcló i bhfoilseacháin eile fiú, ach cloí le forálacha Creative Commons Attribution-ShareAlike 3.0 Ireland License.
RSS RSS